Jangan Buek Laei Yo

Opocot copot copot copot cot ish budak ini
Takdo kojo lain agak eh
Poie laa main jauh sikit
Bingit tolingo di buek eh
Setaun sekali

Poso eh tak ponah cukup
Ghayo eh lobih dari budak-budak laie
Bahayo jang kok tak terbaka umah tu kang
Ah jari ko tu yang hangus
Meriam buluh main dek oghang
Mocun plak sajo yo nak marah
Amboi buek la

Aduih mak
Ha apo dah terbakar

Dah den kobaan tadi
Jangan jang main mocun
Ekau buek tak ghoti
Apo to meraung

Kobeh raso eh jari
Copek mak panggil dukun
Kalau dukun tak ghasi
Panggil ajo ambulan

Janganlah jangan ujang
Ekau sosaan laie
Mari omak balutkan
Bongkak nanah di jari

Mano nak kau sarungkan
Cincin tunang kau nanti
Milah yang kau idamkan
Takkan ondak dio laie

Itulah omak togah
Inilah omak larang
Semuo sey buek salah
Tak ponah omak sonang

Dongar sini botuah
Anak omak sayang
Semuo eh yang den togah
Takut kau dapek malang

Tapi kono yo
Banyak bona pantang larang eh

Dah den kobaan tadi
Jangan jang main mocun
Ekau buek tak ghoti
Apo to meraung

Kobeh raso eh jari
Copek mak panggil dukun
Kalau dukun tak ghasi
Panggil ajo ambulan

Hari ghayo hari mulio
Jangan jang buek pokaro
Memang salah kau sendiri
Tengok apo dah jadi

Esok bilo dilarang
Jangan buek laie yo
Satu laie posan den
Dongar cakap orang tuo

Itulah omak togah
Inilah omak larang
Semuo sey buek salah
Tak ponah omak sonang

Dongar sini botuah
Anak omak sayang
Semuo eh yang den togah
Takut kau dapek malang

Sey minta ampun yo mak yo
Yolah tapi jangan buek laie yo
Yo yo yo yo yo yo yo
Budak ini