Apo Eh Yang Sakit

[UJANG]
Sakit porot poyi hospita
Kono sampok jumpo bomoh
Kotogoran pawang eh ado
Sakit ati mak oi
Apo ubek nyoo

[OMAK]
Apo eh yang sakit jang oi
Pado ekau molalak yo sonjo sonjo ni
Elok poyi obang kek surau tu ha
Dapek yo pahalo

[UJANG]
Sori monanti air eh doreh mak
Hanyut pandan lintang pukang
Camno lah hati ese ni ha tak an comeh
Kito yang bocadang
Orang pulak mominang
Sompot napeh di buek eh

[OMAK]
Tah lah jang
Tak roti omak dongan kau ni do

[OMAK]
Apo, eh yang sakit, porot?
Rosah tak tontu arah
Marah bilo di sobot sobot
Kojo eh nak gaji bosa
Apo, eh yang sakit, hati?
Jangan lah copek marah
Usah di dipikir pikir layi
Esok kito ko sawah
Haaaaaa heret kobau tu jang

[UJANG]
Hajat hati hai omak oi
Raso eh nak masok solja
Ontah esuk mungkin luso
Hai omak sey boredar
Janganlah omak marah
Sogan sey kojo sawah
Bilo sey dah jadi solja
Sumo eh kan mongadah

[OMAK]
Usah merapek lah jang
Solain pado borangan
Apo ko layi kojo kau
Omat boto aka den

[UJANG]
Mak!
Mak marah kek sey ni yo?
Mak!
Hidop ko layi dukun mat gagap tu?

[OMAK]

Sapo kato kau?

[UJANG]
Dukun Mat Gagap tu la
Hidop ko layi?

[OMAK]
Jangan buek doso yo jang!
Tak do guno eh layi!
Rimeh den dongan kau ni la

[UJANG]
Aaaah omak ni
Tak ko situ pulak niat sey ni do

[OMAK]
Abih?
Apo ko layi?
Kok tidak nak mengonokan Si Milah tu

[UJANG cakap]
Sey nak bolimau
Tah apo kono eh badan sey ni ha
Tak maun eh dio kobah do

[OMAK ]
Apo, eh yang sakit, porot?
Rosah tak tontu arah
Marah bilo di sobot sobot
Kojo eh nak gaji bosa
Apo, eh yang sakit, hati?
Jangan lah copek marah
Usah di dipikir pikir layi
Esok kito ko sawah
[omak cakap] haaaa heret kobau tu jang
[ujang nyanyi] hajat hati hai omak oi
Raso eh nak masok solja
Ontah esuk mungkin luso
Hai omak sey boredar
Janganlah omak marah
Sogan sey kojo sawah
Bilo sey dah jadi solja
Sumo eh kan mongadah

[OMAK]
Takan abih darah kau di isap eh do
[ujang cakap] iyo lah tak abih mak
Pado monggomok an lintah tu ha
Baik sodokah an kek hospita
Dapek yo pingat

[OMAK]
Apo kato kau jang?

[UJANG]
Taaaaak
Cito kobau poyi sawah
Kobau sawah
Sawah kobau
Kobau kobau
Sawah sawah
Lamo lamo den cokik kobau tu