Sekso Diri

Payoh nok prubat
De hati luko
Besumak ramak
Guling bating selok ngango

Begoni beghak
Kalu de keno
Srupo paku karat
De jijok luko lamo

Luko hati daley
Sakit tokleh takwey
Bedenyut menikey
Seakei keno takir

Baek sengat tebuwe
Walau bekok bekir
Dari kaseh saye
Srabut tokdey nok mikir
Tokleh nok op
Goni sengoti
Sekok de sebok
Punoh habih licin

Selerok tabok
Beghak pado kovid naitin
Sakit telajok
Hati haco bekeping keping

Sapa hati demo
Buat ku laguni
Mubuat aku srupo
Takdok peda hati

Akupun ado hargo
Maruoh diri
Aku buke kheto

Toksey paka sada tepi

Demo karut sgoti
Meh hatu rayo
Model pranga itik serati
Bilo kenye tahik ecer rato

Demo kuca jahat peranga
Peranga karut karik kaca

Mulut mu srupo telo tmela

Busuk kohong janji tok paka
Tokleh nok seko
Buoh napok kuning
Lepo masey benge
Walau kulit tu licin

Tokleh nok cayo
Pranga ore loni
Kecek tu gak jange
Rupo rupo kaki kecing

Janji tu gak setio
Hujung nyawo
Manih kato dusto belako
Cintomu auta pelawok smato

Senok sekok sebok hati
Sakit panah pedeh sengoti

Lebih baek ku sakit gigi
Dari sakit merano diri

Gimu jange cari ku lagi
Hatiku pado mu doh mati

Ku toksey tesekso diri

Pade cukup setakat ni