Gilo Dek Mode

Cubo liek jalan kapititiang
Miriang miriang jalan ka sampiang
Dulu rambuik nan karitiang
Kini luruih pakai rebondiang

Baitu bana ndeh mak urang
Urang nan banyak
Cumi cumi patie gilo gilo dek mode
Cumi cumi patie gilo gilo dek mode

Tinggi tinggi si buruang tabang
Baliak bukik awan malayang
Dulu pakai sarawa lapang
Kini pensil sarupo lamak

Baitu bana ndeh mak urang
Urang nan banyak
Cumi cumi patie gilo gilo dek mode
Cumi cumi patie gilo gilo dek mode

Banyak ikan di dalam tabek
Ado gadang ado nan ketek
Baju tanktop sabana pendek
Tasingkok pinggang tampak pusek

Baitu bana ndeh mak urang
Urang nan banyak
Cumi cumi patie gilo gilo dek mode

Cumi cumi patie gilo gilo dek mode

Awak mamandang tapurangah
Caliak rang asiang dalam kampuang
Dek rambuik nyo bakelok merah
Cando rang barat pendek iduang

Baitu bana ndeh mak urang
Urang nan banyak
Cumi cumi patie gilo gilo dek mode
Cumi cumi patie gilo gilo dek mode

Simpang tigo nan disicincin
Sasimpang jalan ka piaman
Dulu rambuik baikek licin
Kini sangajo bakusuik an

Baitu bana ndeh mak urang
Urang nan banyak
Cumi cumi patie gilo gilo dek mode
Cumi cumi patie gilo gilo dek mode

Kain banamo si orkansa
Ado banamo kain borkat
Mato mamakai kontak lensa
Alah sa roman urang barat

Baitu bana ndeh mak urang
Urang nan banyak
Cumi cumi patie gilo gilo dek mode
Cumi cumi patie gilo gilo dek mode