Ahnunfursich

Wer saht dann, dat ich dich noch vermess un
ich hing nur noch vuur der Kess?Naachtelang, dat ess wirklich nit wohr.
Na, em Ahnz, ich saach et dir, huhr mir joot zo:
Aff un zo sinn andre Fraue do, aff un zo.
Jo, ich kumme schon kloor.

Joot, ich drink jetz'e paar Droppe mieh,
doch, wat soll't et deit ech nit mieh wieh.
Hann die janze Buud renoviert, woot och Zigg un ich saach et dir:
Hatt sich rentiert, he ess nix mieh, wat zo dunn hatt met dir, nur om
Flur dat verstemmte Klavier.

Ahnunfursich denk ich kaum noch ahn dich,
jarkei Problem ich hann alles om Schirm.

Ahnunfursich denk ich kauf noch ahn dich,

ahnunfursich.

Joot, ich hann langer nit opjeruhmp
un dat Leejut kunnt och weg, stemmp.
Avver nit, dat mer he nix mieh fingk,
fing och nit, dat die Spohlmaschin
noh Mullammer stink
un da Lou Reed noh Beerdijung klingk.
Wat weiB ich, wovun da'm Augebleck singk!?
Nobby saht, et joov ene Typ,
wo mer dich neuerdings off met sieht.
denk jetz nit, dat mir dat ir'ndjet maht.
Jedenfalls, wenn da lappsch weed, roof ahn, saach
mer Bescheid. Ich kumm jahn ens koot me'm Hammer vorbei un bring ihm
Maniere bei.