A Marechiare

Quanno sponta la luna a Marechiare
pure li pisce nce fanno a ll ammore,
se revotano ll onne de lu mare,
pè la prezza cagnano culore
quanno sponta la luna a Marechiare.

A Marechiare ce sta na fenesta,
la passione mia ce tuzzulea,
nu garofano adora int a na testa,
A Marechiare ce sta na fenesta.
A Marechiare, a Marechiare ce sta na fenesta.

Chi dice ca li stelle s'² lucente
nun sape st uocchie ca tu tiene nfronte!
Sti ddoje stelle li ssaccio '¬ sulamente,
dint a lu core ne tengo li pponte.
Chi dice ca li stelle s'² lucente?

Scetate, Carul'¬, ca ll aria è doce;
quanno maje tanto tempo aggio spettato?!
P accumpagnà li suone cu la voce
stasera na chitarra aggio purtato.
Scetate, Carul'¬, ca ll aria è doce!
Scetate, scetate, Carul'¬, ca ll aria è doce!